Уламжлалт “ЯВГАН АЯЛАЛ-2017”-д нийт гишүүн ББСБ-уудаа урьж байна.

МББСБХолбооны 15 жилийн ойн хүрээнд зохион байгуулагдаж буй “Анхдугаар Бага олимп”-ийн I хэсэг болох “ЯВГАН АЯЛАЛ-2017” арга хэмжээ 2017.09.30-ны Бямба гаригт болно.

Оролцогчид 2017.09.26-ны дотор Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. хаягаар болон 9999-8770 утсаар бүртгүүлнэ үү.

ЖИЧ: Олимпийн наадамд оролцохгүй хэдий ч аялах хүсэлтэй, Холбооны гишүүн ББСБ-ууд явган аялалд нээлттэй оролцож болно. Харин оролцох хүний тоог 9999-8770 утсаар 09.26-ны дотор бүртгүүлнэ үү.

Attachments:
FileТайлбарFile size
Download this file (Бага-олимп-удирдамж-МББСБХолбоо.pdf)Бага-олимп-удирдамж-МББСБХолбоо.pdf 364 Kb
 

Монголын ББСБ-уудын Холбооны 15 жилийн ойн арга хэмжээ болон ББСБ-уудын нэгдсэн шинэ жилийн цэнгүүн 2017.12.19-ны өдөр Grand hill event hall-д болно. Цэнгүүний хөтөлбөр дэлгэрэнгүй мэдээлэл тун удахгүй сайтанд тавигдах болно.

Утас: 9999-8770

 

Шагналын материал хүлээн авч эхэллээ.

МББСБХолбооноос гишүүн байгууллагуудынхаа үйл ажиллагааг дэмжих, тэдгээрийн зорилго, зорилтыг олон нийтэд танилцуулах, сурталчилах, Холбооны гишүүн шилдэг ББСБ, ажилтныг сонгон шалгаруулж, Холбооны болон бусад байгууллага, төрийн шагналд тодорхойлох, шагнаж урамшуулдаг уламжлалтай билээ.

Энэ жил МББСБХолбооны үүсгэн байгуулагдсаны 15 жилийн ой тохиож буй тул ББСБ-уудын шинэ жилийн нэгдсэн цэнгүүнийг 2017.12.19-ны өдөр Grand hill event hall-д зохион байгуулахаар болсныг дуулгахад таатай байна.

Иймд 2017 оны шилдэг ББСБ, шилдэг ажилтануудыг шалгалуулах зорилгоор нэр дэвшигчдийн материалыг хүлээн авч эхэлснийг үүгээр мэдэгдэж байна.

Материал хүлээн авах хугацаа: Та бүхэн холбогдох журмын дагуу шагналын материалаа 2017.12.05-ны дотор Холбоонд ирүүлнэ үү. Дэлгэрэнгүй мэдээллийг 9999-8770 утсаар авна уу.

 

Монголын ББСБ-уудын Холбооны ерөнхийлөгч А.Алтансүх, Санхүүгийн зохицуулах хороон дарга С.Даваасүрэн тэргүүтэй, Хорооны зарим газар хэлтсийн дарга нарын болон Холбооны гишүүн ББСБ-уудын төлөөллүүд 2017.11.14-17-ны өдрүүдэд "Олон улсын Финтекийн форум"-д БНСУ-ын Сөүл хотноо амжилттай оролцлоо.

Сингапур, Япон, Герман, Их Британи, БНХАУ, Тайланд, Индонези, БНСУ, Вьетнам, Тайван зэрэг технологи хөгжсөн орнууд, Дэлхийн банк, Үнэт цаасны хороодын олон улсын байгууллага зэрэг өргөн бүрэлдэхүүнээр хуралдаж буй уг семинарыг нээж Монгол Улсын Санхүүгийн зохицуулах хорооны дарга С.Даваасүрэн үг хэллээ. Тэрээр хэлсэн үгэндээ, зүй зохистой, дэвшилтэт шийдэлтэй, хяналт зохицуулалт бүхий финтекүүд хэрэглэгчид, бизнес эрхлэгчдэд үр өгөөж өгөх шинэ шинэ боломжуудыг санхүүгийн салбарт бий болгож, системийг илүү олон тулгуурт, үр дүнтэй болгон, үйлчилгээний цар хүрээг өргөжүүлэх, хүртээмжийг нэмэгдүүлэх хүчин зүйл болохыг онцлоод, Санхүүгийн зохицуулах хороо финтекийн хөгжлийг дэмжихийн зэрэгцээ зохицуулалтыг сайжруулж хөрөнгө оруулагч, үйлчлүүлэгчдийн эрх ашгийг хамгаалах, санхүүгийн цахим үйлчилгээний эрсдэлийг хаахад анхаарал хандуулан ажиллаж буйг дурдлаа.


Семинараар зохицуулагч болон олон улсын байгууллагууд одоогоор хүчин төгөлдөр байгаа эрх зүйн баримт бичгүүд, хамтын нийгэмлэгүүдийн гэрээ хэлцлүүд, конвенцуудын чадамж, нэмж зохицуулах шаардлагатай харилцаа, санхүүгийн хамтын тогтолцооны аюулгүй байдал зэрэг олон чухал асуудлыг хөндсөн юм. Эцсийн дүнд технологид суурилсан санхүүгийн үйлчилгээний зохицуулалтын чухал бүрэлдэхүүн хэсэг нь төр, хувийн хэвшлийн хамтын ажиллагаа, харилцан ойлголцол болохыг семинарт оролцогчид онцлон дүгнэв.

Энэхүү форумаар технологид суурилсан санхүүгийн шинэ бүтээгдэхүүн, үйлчилгээг хөгжүүлэх, олон улсын туршлага судлах, Монгол улсад нэвтрүүлэх боломжийг эрэлхийлж, Төр төрийн бус байгууллагын хамтын ажиллагааг шинэ түвшинд гаргах чиглэлд харилцан тохиролцлоо.

 

Монголын Банкны Холбоо (МБХ), Европын Холбоо, Европын Сэргээн Босголт Хөгжлийн Банк (ЕСБХБ)-ны Жижиг, Дунд Бизнесийн Зөвлөх үйлчилгээ хөтөлбөртэй хамтран “Жижиг дунд бизнес (ЖДБ)-ийн санхүүгийн хүртээмж форум 2017” арга хэмжээг “Санхүүгийн хүртээмжийг нэмэгдүүлэх хамтын ажиллагаа” сэдэв дор 2017 оны 11 дүгээр сарын 23-ны өдрийн 09:00-13:30 цагийн хооронд Бэст Вэстерн Примьер Туушин зочид буудалд амжилттай зохион байгууллаа.

Санхүүгийн хүртээмж нь бизнесийн өргөжилт хөгжилтийн гол асуудал бөгөөд хүрэлцэхүйц хэмжээний санхүүжилтгүйгээр хөрөнгө оруулалт инноваци хийх боломжгүй нь тодорхой. Монголбанкны 2017 онд гаргасан “Жижиг, дунд үйлдвэрлэлийн хөгжил, санхүүжилтийн байдал” судалгаагаар “жижиг дунд бизнесийг арилжааны банкууд хамгийн сайн дэмждэг” гэсэн үр дүн гарсан хэдий ч санхүүжилт авахад гардаг хүндрэл нь бизнесийн ялангуяа жижиг дунд бизнесийн өсөлтийг саатуулдаг үндсэн бэрхшээл юм.

Судалгаанаас үзэхэд манай улсад нийт 60 гаруй мянган бизнесийн байгууллага “жижиг”, “дунд” гэсэн ангилалд багтаж байгаа. Тэдгээр бизнесүүд ДНБ-ний 20 хувийг гаргадаг ч нийт ажиллах хүчний 70 хувийг ажиллуулдаг. Ялангуяа энэ ЖДБ-ийг “бойжуулах” нь уул уурхайгаас хэт хамааралтай манай улсын эдийн засгийг олон чиглэлээр хөгждөг болоход чухал ач холбогдолтой.

Монгол Улсын Засгийн газар олон улсын санхүүгийн байгууллагуудын дэмжлэгтэйгээр жижиг дунд бизнесийн үйл ажиллагааны орчинг сайжруулах, татварыг бууруулах, чадавхийг нэмэгдүүлэх, санхүүжилтийн боломжийг дээшлүүлэх чиглэлээр олон арга хэмжээ авч ирсэн. Гэвч жижиг, дунд бизнесийг хөгжүүлэх ялангуяа санхүүгийн хүртээмжийг нэмэгдүүлэх чиглэлээр оролцогч талуудын хамтын ажиллагааг илүү үр дүнтэй байлгах хэрэгцээ тулгарсаар байна. Энэхүү хэрэгцээг хэлэлцэж тодорхойлох хүрээнд уг форумыг зохион байгуулсан бөгөөд арга хэмжээнд нийт 250 орчим төлөөлөл оролцлоо.

Форумын үеэр ЖДБ-ийн санхүүгийн хүртээмжийг нэмэгдүүлсэн олон улсын сайн туршлага, факторинг, нийлүүлэлтийн сүлжээний санхүүжилт зэрэг шинэ бүтээгдэхүүнийг Монгол Улсад хөгжүүлэх боломжийн талаар олон улсын мэргэжилтнүүд танилцуулга хийлээ.

Тус форумын онцлог нь бэлтгэл ажлын хүрээнд банк, ББСБ-ууд, ЖДБ эрхлэгчид болон сургалт, судалгааны байгууллагуудын төлөөллийг оролцуулсан дугуй ширээний уулзалтуудыг хийж дуусгасан ба энэ арга хэмжээний үеэр урьдчилсан уулзалтуудаар хэлэлцсэн саналыг нэгтгэн танилцуулах, тулгамдаж буй асуудлаа дахин ярих бус тэдгээрийн шийдлийг эрэлхийлж, цаашид авах арга хэмжээг тодорхойлоход оршиж байлаа.

Оролцогчдоос ЖДБ-ийн бодлого, бизнесийн орчныг тодорхой болгох, санхүүжилтийн орчин, нөхцөлийг сайжруулах, энэ хүрээнд шинэ төрлийн зорилтот бүтээгдэхүүнийг бий болгох, мөн түүнчлэн ЖДБ эрхлэгчдийг чадавхжуулах, хууль эрх зүйн орчныг боловсронгуй болгох, судалгаа мэдээллийг нарийвчлан гаргах, тогтмолжуулах гэсэн чиглэлүүдээр шаардлагатай арга хэмжээг авч хэрэгжүүлэх, цаашид нэгдсэн бодлого, чиглэл дор хамтран ажиллахыг онцолж байв.

Форумын үр дүнд ЖДБ-ийн санхүүгийн хүртээмжийг нэмэгдүүлэхэд тулгарч буй сорилтуудыг даван туулах арга замуудыг тодорхойлсон ажлын төлөвлөгөөг боловсруулж, хэрэгжилтэд дэмжлэг үзүүлэх ажлын хэсгийг төр ба хувийн хэвшил, олон улсын байгууллагын төлөөлөлтэйгээр байгуулах, хийсэн ажлуудаа дараа дараагийн форум, хэлэлцүүлгийн арга хэмжээнд хэлэлцэж дүгнэдэг, авах арга хэмжээгээ тодорхойлдог байдлаар ажиллахаар боллоо.

Төр, хувийн хэвшил, олон улсын байгууллагууд, мэргэжлийн холбоодын оролцоотой энэ ажлын хэсэг үр дүнтэй ажиллахад дээр дурдсан байгууллагуудын оролцоо, хамтын ажиллагаа нэн чухал гэдгийг мөн онцолж байсан юм.


 

Нөхцөл байдалд тулгуурласан манлайлал II сургалт амжилттай явагдаж өндөрлөлөө.

Монголын ББСБ-уудын Холбооноос Биплас Монгол сургалтын төвтэй хамтран Олон улсын “Нөхцөл байдалд тулгуурласан манлайлал II” сургалтыг 2017.11.18-19-ны өдрүүдэд амжилттай зохион байгууллаа. Энэхүү сургалтанд шилдэг ББСБ-уудын 20 гаруй удирдлагууд оролцож, удирдлагын арга барилыг эзэмшин, байгууллагаа хөгжүүлэх, ажилтануудаа удирдан чиглүүлэх, тэдгээрийн бүтээмжийг эрс дээшлүүлэх шинэ арга техникүүдийг олж авснаараа онцлог байлаа.

 
<< Эхлэх < Өмнөх 1 2 3 4 5 6 7 8 9 10 Дараахи > Төгсгөл >>

Хуудас 39-с 1

Мэдээ, мэдээлэл

Шинэ жилийн нэгдсэн цэнгүүн 2017.12.19-нд болно.

11-р сар 23, 2017 1732
Монголын ББСБ-уудын Холбооны 15 жилийн ойн арга хэмжээ болон ББСБ-уудын нэгдсэн шинэ жилийн цэнгүүн 2017.12.19-ны өдөр Grand hill event hall-д болно. Цэнгүүний хөтөлбөр…
Дэлгэрэнгүй...

Шагналын материал хүлээн авч эхэллээ.

11-р сар 23, 2017 147
Шагналын материал хүлээн авч эхэллээ. МББСБХолбооноос гишүүн байгууллагуудынхаа үйл ажиллагааг дэмжих, тэдгээрийн зорилго, зорилтыг олон нийтэд танилцуулах, сурталчилах, Холбооны…
Дэлгэрэнгүй...

Финтекийн чиглэлээр туршлага судаллаа.

11-р сар 23, 2017 583
Монголын ББСБ-уудын Холбооны ерөнхийлөгч А.Алтансүх, Санхүүгийн зохицуулах хороон дарга С.Даваасүрэн тэргүүтэй, Хорооны зарим газар хэлтсийн дарга нарын болон Холбооны гишүүн…
Дэлгэрэнгүй...

ЖДБ-ийн санхүүгийн хүртээмж форум амжилттай зохион байгуулагдлаа.

11-р сар 23, 2017 155
Монголын Банкны Холбоо (МБХ), Европын Холбоо, Европын Сэргээн Босголт Хөгжлийн Банк (ЕСБХБ)-ны Жижиг, Дунд Бизнесийн Зөвлөх үйлчилгээ хөтөлбөртэй хамтран “Жижиг дунд бизнес…
Дэлгэрэнгүй...

Нөхцөл байдалд тулгуурласан манлайлал II сургалт амжилттай явагдаж өндөрлөлөө.

11-р сар 23, 2017 87
Нөхцөл байдалд тулгуурласан манлайлал II сургалт амжилттай явагдаж өндөрлөлөө. Монголын ББСБ-уудын Холбооноос Биплас Монгол сургалтын төвтэй хамтран Олон улсын “Нөхцөл байдалд…
Дэлгэрэнгүй...

ББСБ-ын сертификатжуулах сургалт амжилттай явагдаж өндөрлөлөө.

11-р сар 23, 2017 256
Монголын ББСБ-уудын холбооноос Санхүүгийн зохицуулах хороотой хамтран зохион байгуулж буй “ББСБ-ын сертификатжуулах” сургалт 2017.11.15-17-ны өдрүүдэд амжилттай явагдаж…
Дэлгэрэнгүй...

ББСБ-ын сертификатжуулах сургалтанд урьж байна.

11-р сар 07, 2017 377
ББСБ-ын сертификатжуулах сургалтанд урьж байна. Монголын ББСБ-уудын холбооноос Санхүүгийн зохицуулах хороотой хамтран зохион байгуулж буй “ББСБ-ын сертификатжуулах” сургалт…
Дэлгэрэнгүй...

11 сарын сургалтын төлөвлөгөө

11-р сар 07, 2017 196
МББСБХолбооноос 2017 оны 11 сард зохион байгуулах дараах сургалт, семинарт идэвхитэй хамрагдаарай.
Дэлгэрэнгүй...

Нягтлан бодох бүртгэлийн сургалт амжилттай болж өндөрлөлөө.

11-р сар 07, 2017 215
Нягтлан бодох бүртгэлийн сургалт амжилттай болж өндөрлөлөө. МББСБХолбооноос 2017 оны 11 сарын 2-3ны өдрүүдэд ББСБ-уудын нягтлан бодогч нарт зориулж "НББ-ын цогц сургалт"-ыг…
Дэлгэрэнгүй...

Хуулийн багц сургалт амжилттай болж өндөрлөлөө.

11-р сар 07, 2017 142
Хуулийн багц сургалт амжилттай болж өндөрлөлөө. МББСБХолбооноос Үлэмж партнерс хуулийн фирмтэй хамтран "Эрүүгийн хууль, Зөрчилийн тухай хууль, Зөрчлийн хянан шийдвэрлэх тухай…
Дэлгэрэнгүй...

“Комплаенс Форум 2017” арга хэмжээнд оролцохыг урьж байна.

10-р сар 25, 2017 286
“Комплаенс Форум 2017” арга хэмжээнд оролцохыг урьж байна. Монголын банкны холбоо, Монгол банк хамтран “Комплаенс форум 2017” арга хэмжээг 5 дахь жилдээ 2017.11.08-ны өдрийн…
Дэлгэрэнгүй...

"Нөхцөл байдалд тулгуурласан манлайлал II" сургалтанд урьж байна.

10-р сар 25, 2017 114
"Нөхцөл байдалд тулгуурласан манлайлал II" сургалтанд урьж байна. Биплас Монгол сургалтын төвтэй хамтран Олон улсын “Нөхцөл байдалд тулгуурласан манлайлал II” сургалтыг…
Дэлгэрэнгүй...

Гишүүний хэсэг